CAGAYAN DE ORO CITY- Naghulat na lamang ang kapolisan ug commitment order gikan sa piskalya aron ilang ma-commit sa Lumbia City Jail ang magsoong Talisayan nga responsable sa pagbangga-patay sa pito ka tawo diha sa Sitio Baloy, Brgy. Tablon ning syudad.
Kini human gipasaka sa Cugman Police Station ubos ni C/Insp. Evan Vinias ang kasong ‘reckless imprudence resulting to multiple Murder’ batok nila ni Freddie ug Felix Talisayan.
Matud ni Vinias nga posibleng dugang kaso ang ilang mapasaka batok sa truck driver nga si Freddie kon mag-positibo kini sa gihimong drug test sa PNP Crime Lab.
Hisayrang grabe ka hubog si Freddie Talisayan sa dihang nabanggaan niini ang mga biktima nga sakay sa motosiklo ug motorela sa nasampit nga lugar.
