(Update) CAGAYAN DE ORO CITY-Kasong reckless imprudence resulting to multiple murder ug physical injuries ingon man damage to property ang gipasaka sa kapolisan batok sa magsoon nga driver ug helper sa El Raro farm sa Sitio Baloy,Barangay Tablon,Cagayan de Oro City.
Gibutyag ni Cugman Police Station commander C/Insp Evan Viñas nga kini ang ilang gipasaka batok Freddie ug Felix Talisayan
nga taga- Davao del Norte tungod kay nasuta nga tinuyo ang pagbangga sa mga sakyanan diin pito ang patay ug lima ang samaron.
Si Viñas miingon nga mabasa sa celphone ni Freddie nga mohimo kini’g pagbangga sa mga sakyanan kon bulagan sa hinigugma niini.
Kini ang hinungdan nga gidali nila pagduso ang dugang dokumento aron kasong murder ug pagsupak sa paggamit sa gidiling droga ang ilang masang-at batok mga suspek.
Una nang nangayo’g pasaylo si Freddie sa hitabo diin namugos kini nga hubog siya atol sa hitabo.
Kabahin sa namatay ang mga biktima nga sila si transgender Vivien Nacaya;volunteer sa Philippine Red Cross nga si Vanessa Tadlas;Ronnie Abrio ingon man ang mga anak niini nga si Steffani, 8, Kenneth, 10 at Sofia, 5.Sakay sa motorsiklo ug pedicab ang mga biktima dihang gidaro sa truck ni Freddie.
Samaron usab ang laing biktima nga sila si Kristal Moldez; Runie Llubia;Kent Felicilda ug Kurt Angel nga pulos taga-syudad nga tanan nadala sa Northern Mindanao Medical Center.
