CAGAYAN DE ORO CITY – Nakasulod isip finalists sa 3rd National Bombo Music Festival o BMF 2020 ang magsoong Winset Rose ug Kieza Jacot nga pulos nagpuyo ning syudad.K
ini human kabahin sila sa dose ka finalist nga napilian gikan sa kapin 700 ka entries nga gipaubos sa screening sa komitiba nga naghawid sa 3rd BMF 2020.
Miingon si Winset kinsa 2018 BMF finalist nga dako kaayo niini nga kalipay nga nahatagan siya’g higayon nga subli makaapil bisan sa kadaghan nila nga gipilian alang sa maong kompetisyon.
Maoy gitakdang isundayag ni Winset Rose sa final nigh presentation sa Iloilo City ang iyang kanta nga nag-uluhan sa ‘Kung Mahal Mo Siya’.
Miingon si Winset Rose nga ang maong kanta ang positibo’g mensahe alang sa tanang tawo nga ganahan usab niini.
Samtang nagsumikad sa personal nga kasinatian ang inspirasyon ni National Bombo Music Festival finalist Kieza Jacot-Velez nga taga-Brgy 15 aron maporma niini ang iyang kanta nga Okay Na Tayo.
Kini human unang nadasig usab si Kieza nga mag-interes pagsulat sa kaugalingong kanta dihang song interpreter siya song composition sa higala sa iyang igsoon nga si Winset Rose Jacot tuig 2018.
Miingon si Jacot-Velez nga usa ka ‘hugot song’ ang iyang composition nga gitumong maghatag kadasig usab sa mga indibidwal nga anaa sa kasinatian sa gugma.
