CAGAYAN DE ORO CITY – Gi-rekomendar sa mayoriya sa konseho pinaagi sa ipasar nga resolusyon nga nag-rekomendar kang City Mayor Rolando ‘Klarex’ Uy nga ipaubos sa upat ka bulan nga suspension si Brgy 31 Kapitan Diosdado Wabe ug iyang igsoon nga si Brgy Kag. Delia Wabe.
Kini tungod sa pasangil nga gigamit nila ang pondong salapi sa brgy pinaagi sa pagpatoo nga milusad sila’g basketball activity apan wal sukad nahitabo.
Miingon si Kag.Edgar Cabanlas,majority leader sa konseho nga nagsumikad ang reklamo gikan sa tulo ka kagawad ni Wabe.
Tungod sa pagsupak ni Kag. Jose Pepe Abbu Jr,giagi sa botasyon ang resolusyon diin 11 sa konsehal ang mipabor samtang upat lang ang misupak niini.
Dugtong niini,gi-kuwestiyon ni blue ribbon committee vice chairman Kag.Jose Pepe Abbu ang findings nga nag-rekomendar kang Uy nga ipaubos sa upat ka bulan nga suspension ang magsoong Wabe.
Kini human sila unang giakusahan nila Brgy Kagawads Lee Nelias;Rogelio Waniwan ug Flordeliz Haba nga mihimo’g ghost basketball activity nga wala sukad nahitabo sa ilang brgy sa miaging katuigan.
Miingon si Abbu nga subay sa gi-presentar nga mga ebedensya,kutob ra pasangil ang tulo ka konsehal kay mismo ang Commission on Audit ang wala nakit-an nga gimbug-aton batok sa maong pasangil.
Kini ang hinungdan nga gisupak niya ang findings sa komitiba nga nag-imbestigar batok sa magsoong opisyal sa Brgy 31.
Hisayrang guilty sa reklmaong dishonesty ug misconduct ang gipahamtang sa konseho batok sa magsoong Wabe ug gi-rekomendar ang upat ka bulan nga suspension sa trabaho.
