CAGAYAN DE ORO CITY – Gimando ni El Salvador City Mayor Engr Edgar Lignes sa iyang CDRRMD officials ug ubang counterparts nga pahugtang ang pagbantay sa kadagatang sakop sa ilang syudad.
Kini sa tuyo nga dili na masubli nga adunay upat ka menor de edad nga nangalumos diin duha kanila ang narekober nga wala na’y kinabuhi.
Miingon si CDRRMD head Teddy Bombeo nga gikasubo pag-ayo sa mayor nga nahitabo kini sa mga biktima niadtong miaging semana.
Una niini,naluwas ra ang duha ka biktima nga nag-edad 10 ug 14 anyos apan ang magsoong 2 ug 5 anyos nga patay nang narekober sa Philippine Coast Guard pipila ka oras gikan nalumos sa Zone 4,Sitio Alo,Brgy Población,El Salvador City,Misamis Oriental niadtong Sabado sa hapon.
