CAGAYAN DE ORO CITY –Patay ang magsoon human nalumos samtang gisaulog ang pagsugat bag-ong tuig sa Gemini beach sa Purok 4, Poblacion,Gitagum,Misamis Oriental.
Giila ni Gitagum Police Station investigator Police Staff Sargeant Jay Manggubat ang mga namatay nga sila si Paterno Ramos Jr 28-anyos, minyo ug John Kimber Ramos, 16-anyos pulos residente sa Purok 4, Brgy Pelaez,Gitagum.
Gibutyag ni Manggubat nga naligo sa dagat ang magsoon kauban ang ilang mga barkada apan kalit sila napadpads sa lawom nga bahin sa dagat.
Nagtoo si Manggubat nga nabikogan ang mga biktima samtang naglangoy-langoy sa lawom nga bahin sa dagat hinungdan nga nalumos kagahapong adlawa.
