CAGAYAN DE ORO CITY-Gihatod na sa katapusang pahulayan ang upat ka magsoon nga kabahin sa namatay tungod sa pagkasunog sa duha ka andanang pinuy-anan diha sa San Vicente,Brgy Puntod sa syudad.
Kini ang gikompirmar ni Eduardo Cerillo kinsa namatyan sa upat ka anak nga naglakip sa 10 anyos nga special child atol sa maong sunog sa miaging semana.
Miingon si Cerillo nga nahukman na nila nga ipalubong ang mga anak niini tungod kay sobra ang pagkasunog sa mga lawas niini.
Kabahin sa mga namatay sila si Louie, 10-anyos; Michelle, 13; Mary Grace, 12;Kenneth Cerillo, 21 anyos ug ang hinigugma niini nga si Connie Nandong.
Gilubong ang magsoon sa city memorial park sa Brgy Camaman-an ning syudad.
Nasayran nga nahimo usab nga samaron ang inahan sa mga biktima ug laing mga igsoon niini tungod sa hitabo sa miaging semana.
