CAGAYAN DE ORO CITY- Gisupak sa kapolisan nga mahatagan sa temporaryo nga kagawasan ang magsoong City Vice
Mayor Nova Princess ug Reynaldo Parojinog Jr kinsa detinado sa custodial center sa PNP-Camp Crame.
Kini human nadawat sa PNP-Regional Intelligence Unit nga mohimo’g pag-rescue ang supporters sa mga Parojinog kon tugtan makatambong ang magsoon sa paglubong sa mga ginikanan niini sa Ozamiz City sa adlaw’ng Lunes.
Namahayag si Sr/Insp Dennis Tano,deputy station commander sa Ozamiz PNP nga dili nila mapasalig ang seguridad sa magsoong Parojinog kon tugtan kini nga makagawas.
Samtang dili peligro nga mga binilanggo ang magsoong Nova Princess ug Reynaldo Jr hinungdan nga sila hatagan
sa pabor makauli sa Ozamiz City.
Kini ang pugsanong tubag sa mga abogado sa pamilang Parojinog samtang gidungog ang ilang mosyon nga tugutan makatambong ang magsoong makatambong sa lubong ni City Mayor Reynaldo Sr ug Susan Parojinog sa Brgy Bagacay,Ozamiz sunod semana.
Namugos si Atty Emil Coronel nga may kapas ang PNP aron hataga’g seguridad ang publiko bisan temporaryo ipagawas ang magsoon alang maong katuyuan.
