CAGAYAN DE ORO CITY – Girekomendar ni Presidential sister ug Senadora Imee Marcos nga kasuha’g kriminal ingon man ang administratibo ang pipila sa cabinet officials ni Pres Bongbong Marcos.
Kini kabahin sa gihimong imbestigasyon sa iyang senate committee on foreign relations sa ilegal nga pagdakop ug pagtugyan sa Philippine government kang kanhi Pres Rodrigo Duterte sa International Criminal Court o ICC didto sa The Hague,Netherlands niadtong Pebrero 11 ning tuiga.
Gibutyag ni Senador Imee nga kabahin sa girekomendar nga kasuhan sila Justice Secretary Jesus Crispin Remulla;DILG Secretary Jonvic Remulla;PNP chief General Rommel Marbil Jr; PNP-CIDG chief Major General Nicholas Torre III ug Special Envoy on Transnational Crime Markus Lacanilao.
Miingon si Marcos nga dili pa kini makabalo kung kanus-a mahuman ang iyang imbestigasyon kay daghan pa ang mga pangutana nga wala matubag sa gihimong imbestigasyon sa komitiba.
Sa maong rekomendasyon,wala malakip ang mismong igsoon sa senadora nga si Pres Marcos sa nga apil kasuhan.
Hisayrang una nang namahayag ang ICC nga kagustuhan ug pagtugot ni Marcos nga matugyan kanila ang kostudiya ni Duterte nga nakasuhan na hinoon sa crimes against humanity sa paningkamot nga pagsumpo sa ilegal nga droga sa nasud.
