CAGAYAN DE ORO CITY – Gitimbaya ni Tagoloan Mayor Atty. Nadya Emano-Elipe ang magsoong boksidor nga nagbibit sa impresibong kadaugan gikan sa ilang mga away didto sa Sultan Kudarat sa miaging semana.
Kini human miduaw magsoong Tagoloanon nga sila Kim Arnel Lofranco ug Angelo Lofranco sa buhatan sa mayora aron paghatag respeto ug pagpahibalo sa ilang nadag-an nga mga bakus sa Mindanao Professional Boxing Association sa maong probinsya.
Nalipay pag-ayo si Emano-Elipe sa nahatag nga dungog sa magsoong Lofranco alang sa lungsod sa natad sa pamoksing.
Apil sa mipaabot pagtimbaya sa magsoon ingon man sa amahan niini sa ilang mga coach sila Misamis Oriental 2nd District Congressional Staff Jaylord Adame nga nag-representar ni Cong. Bambi Emano ingon man ang ubang municipal govt officials mismo sa buhatan ni Mayor Nadaya kaganihang buntag.
Gipaabot usab niini ang cash incentives alang sa magsoon tungod sa dakong kadungganan alang sa Tagoloan.(Photos from TMIO)
