CAGAYAN DE ORO CITY- Brutal nga gipamusil-patay ang magsoong lalaki nga Tokhang surrenderees diha sa Brgy Lo-ok,Villanueva,Misamis Oriental kagabii.
Giila ang mga biktima nga sila si Linton,24 anyos ug Linton Japos,21 anyos nga pulos mga ulitawo ug pagpuyo sa maong lugar.
Gibutyag ni Villanueva Police Station commander Sr/Insp Rodney Gaid nga kalit gipamusil sa wala mailang mga suspek ang mga biktima samtang nagpahimutang sa ilang pinuy-anan kagabii.
Kumbinsido ang kapolisan nga pagdumot ang nagtukmod sa mga suspek sa pagpusil sa mga biktima diin nakaangkon sa daghang pinusilan sa kalawasan hinungdan sa ilang kamatayon.
Nakuha sa crime scene ang 21 ka basiyo gikan sa 9mm ug laing unom sa punto kalibre 45 nga armas.
Nagdumili usab pagkompirmar si Gaid kon hinimuan sa grupong vigilantes ang hitabo apan nagpadayon ang ilang imbestigasyon sa kremin.
