Nagkalisud ang mga operatiba sa Lantapan Municipal Police Station sa pag-ila sa suspek nga mipusil patay sa magti-ayon sa maong lugar.
Giila ni Police Master Sergeant Denver Cejas ang namatay nga mga biktima nga sila Jaime Depos, 58-anyos, ug Helen Depos, 52-anyos.
Subay sa imbestigasyon, ang duruha namatay human makadawat sa tag-upat ka igo sa bala.
Ang gunman nakataptap sa dagway busa lisud maila ug paspas nga mikagiw human sa pagpamusil
Dili pa matino sa mga otoridad kung unsa nga motibo sa krimen.
Padayon ang kapulisan sa pagkolekta sa ebidensya ug pagpangita sa posibleng mga testigo aron masulbad ang kaso.
