CAGAYAN DE ORO CITY – Kasuhan sa kidnapping ang duha ka magtiayon nga nasapon sa giingong pagdagit sa 2-anyos nga batang lalake diha sa Brgy Bulua ning syudad.
Gibutyag ni Bulua Police Station investigator Police Staff Master Sgt Paul Bryan Butanas nga mismo ang ginikanan sa bata ang moduso’g kaso sa korte batok sa mga suspek nga sila si Ibaratan Demapinto, 43 anyos ug Michelle Canatoy,38-anyos nga taga Butuan City.
Una nang gibutyag ni Arnold Pagasihan, zone president sa homeowner association nga gilakag nila ang mga suspek hinungdan nga ilang narekober ang bata.
Nasayran nga nakuhaan usab sa pipila ka kagamitan ang mga suspek aron ipatoo nga mismo sila an ginikanan sa bata nga gidagit nila apan sa mga otoridad.
