CAGAYAN DE ORO CITY – Patay ang magtiayon ug laing usa ka babaye sa magkalahi nga bangga sa kadalanan sa lungsod sa Gitagum ug Manticao,Misamis Oriental.
Giila ni Capt Jaypee Fos,hepe sa Manticao Police Station ang magtiayon nga sila si Chito ug Azeneth Sulyon nga pulos taga-Brgy Matangad sa maong lungsod.
Miingon si Fos nga kusog ang dagan sa motorsiklo sa mga biktima hinungdang wala mabantayi ang nakaparada nga truck daplin sa highway sa miaging kadlawon.
Padulong sa Cagayan de Oro ang mga biktima dihang nahitabo ang aksidente samtang detinado na sa kapolisan ang truck driver.
Una niini,patay usab ang usa ka Analiza Cabutaran,24 anyos nga Brgy Puntasilom dihang mibangga sa naka-parking gihapon nga trak sa lalawigan.
