CAGAYAN DE ORO CITY – Misamot pa ang paghuyang sa liderato sa CPP-NPA nga walay hunong gigukod sa tropa sa gobierno nga naglihok sa Northern Mindanao region.
Kini human kompirmaha ni 4ID Philippine Army spokesperson Maj Francisco Garello Jr nga apil sa namatay ang magtiayong pulos tag-as nga opisyal sa CPP-NPA sa gihimong aeral ug ground assaults sa Malaybalay City,Bukidnon sa miaging pagsaulog sa pasko sa kadlawon.
Miingon si Garello nga laing kawad-on sa maong grupo ang kamatayon nila Beverly Sinunta alyas Ayang nga nagsilbing secretary ug bana nga si Alfredo Banawan alyas Alab ingon man sa ilang anak nga si ChenChen Banawan alyas Pao nunot sa opensibang-militar.
Nasuta nga nagsilbing secretary si Beverly ug iya usab nga deputy secretary si Alfredo sa Sub-Regional Committee-2 , Headquarters Loader and Regional Sentro De Gravidad Compaq nga ubos sa North Central Mindanao Regional Committee.
Gawas sa mag-pamilyang NPA nga napatay,apil usab sa naila na sila Penita Singaman alyas Pening,Bebot Solinay; Aurellio Gonsalez;Dominic Nabaring alyas Moloy nga taga-Bukidnon ug alyas Loue nga nagmula gikan pa sa Caraga region.
Hisayrang atol sa paglusob sa mga sundalo sa 8th IB,Philippine Army,napulo ka rebelde ang namatay ug halos napulo ka armas ang nangabawi gikan sa encounter site.
