CAGAYAN DE ORO CITY – Gusto sa pamilyang Dumanjog nga imbestigaran sa senado ang alang kanila naghinobrang abuso sa gahom ni Misamis Occidental Gov. Henry Oaminal sa lungsod sa Bonifacio sa maong lalawigan.
Kini ang gibutyag ni Tambulig,Zamboanga del Sur Mayor Charlotte Dumanjog Panal sa interbyu sa Bombo Radyo.
Miingon si Panal nga dili na nila gusto nga masubli ang gidangatan sa ilang ginikanan nga si Mayor Samson ug Vice Mayor Evelyn Dumanjog nga dungan gi-suspenso pinaagi sa kamanduan ni Oaminal gamit ang Sanggniang Panlalawigan.
Una nang pugsanong giibot sa katungdanan ang magtiayong Dumanjog sa puwersa sa Command Incident System aron makalingod ang gitudlo ug giila sa provincial govt nga acting mayor ug vice mayor sa maong lungsod.
Samtang gitambagan ni Oaminal ang pamilyang Dumanjog nga atubangon kon unsa man ang ilang obligasyon tungod sa nahimo nila nga kasupakan sa balaod.
Kini ang tubag sa gobernador kabahin sa gipamugos ni Tambulig,Zamboanga del Sur Mayor Charlotte Dumanjog Panal nga biktima sila sa grabeng pagdaug-daug ug abuso sa gahom sa probinsya.
Siya miingon nga dagha’g suliran ang lungsod sa Tambulig hinungdang angay kining sulbaron ni Mayor Panal ug dili magpirmi’g yampungad sa lungsod sa Bonifacio.
