CAGAYAN DE ORO CITY – Ipahimutang sa city jail ang magtiayong negosyante nga dunay mga kasong pagsupak sa anti-carnapping law nga nasang-at sa nagkadaiyang mga korte dinhi sa dakbayan.
Kini human unang gisilbi sa Special Operation Team sa PNP-Highway Patrol Group 10 ang warrant of arrests batok kanila ni Mark Vergel Castillon,39 anyos ug Fiel Castillon,39 anyos nga taga-Grand Europa,Brgy Lumbia samtang sila nagtagu-tago sa Brgy Camputhaw,Cebu City.
Gibutyag ni PNP Regional HPG 10 chief Col Annie Mangelen nga nag-atubang sa duha ka counts sa anti-carnapping act of 1972 si Mark samtang laing upat ka ihap usab sa anti-carnapping act of 2016 si Fiel hinungdan nga dungan sila gidakop sa hiniusang operasyon sa PNP-HPG 10 ug PNP- Cebu sa miaging semana.
Gimando sa korte nga temperaryo lamang sila makagawas kon makapiyansa sa tag-300-mil pesos sa matag-ihap sa mga kaso nga ilang giatubang.
