CAGAYAN DE ORO CITY – Gilawman pa sa kapolisan ang imbestigasyon sa daw tanghaga nga kamatayon sa magtiayon nga unang napalgan sulod sa ilang pinuy-anan sa Brgy 26 ning syudad.
Giila ni Agora Police Station commander Capt Ernesto Sanchez ang mga biktima nga si Gas Budiongan ug Arlyn Samporna nga lumad taga-lungsod sa Sugbongcogon,Misamis Oriental.
Gibutyag ni Sanchez nga subay sa ilang imbestigasyon nga unang gipatay sa bana ang iyang asawa ug ayha kini naghunos usab sa kaugalingong kinabuhi.
Nasuta nga dunay gihambin nga sakit ang bana ug operado usab kini sa iyang tutunlan.
