CAGAYAN DE ORO CITY – Gisalikway sa magtoong rebeldeng NPA ug laing usa nila ka sakop ang armadong pakigbisog kontra gobierno kay gusto ikauban ang ilang mga pamilya sa pagsaulog sa pasko ug pagsugat sa bag-ong tuig.
Kini human mitahan sa gobierno ug gikuha sa militar sila si Ben Domino Hangadon alyas Kiram 37,anyos,vice squad leader sa Sub-Section Guerilla Unit sa North Central Mindanao Regional Command;Ana Mansinugdan Hangadon,30 anyos nga nagsilbing political instructor nga pulos gikan sa Barangay Lawan-Lawan,Las Nievez,Agusan del Norte.
Miingon si 58th IB commander Lt Col Ricky Canatoy nga kuyog usab sa mitahan si i Jonel Talija Binongkasan alyas Cardo,20 anyos nga taga-Barangay Malinao,Gingoog City,Misamis Oriental nga ubos sa Guerilla Front Committee 4-A.
Gibutyag ni Canatoy nga bitbit pagbalik sa mga rebelde ang duha ka M-16 rifles.
Dismayado ang maong mga rebelde kay sulod sa 12 ka tuig nila nga pakigbisog,kagutom ug kakapoy ra ang ilang nakuha sa pagtagu-tago sa kabukiran.
