CAGAYAN DE ORO CITY – Mapun-an ang mga kasong atubangon sa magtiayong mga opisyal sa rebeldeng New People’s Army o NPA nga unang nadakpan sa AFP-PNP joint operation sa Brgy Alagatan,Gingoog City,Misamis Oriental.
Kini human nakompiskar ang mga armas ug pangpabusikad gikan sa magtiayong Manuelito alyas Mosong ug Merlyn Satur alyas Maya nga mga esidente sa lalawigan.
Miingon si 58th IB,Philippine Army commander Lt Col Ricky Canatoy nga lakip usab sa kasuhan kauban sa magtiayon nga sila si Fidel Guinahon Romania alyas Johnson ug Floramae Llagas Domo alyas Sayros nga dungan nadakpan kagahapon sa kadlawon.
Una nang nabulag si Mosong kinsa kalihim sa ub-Regional Committee 1 sa North Central Mindanao Regional Committee sa ilang puwersa sa dihang natigayon ang engkuwentro sa Gingoog City sa miaging mga semana hinungdan naglisod sila paggawas hangtod nga natultulan sa mga otoridad.
