CAGAYAN DE ORO CITY- Mitahan balik sa sabakan sa gobyerno ang magtiayon nga miembro sa New Peoples Army sa Brgy Poblacion,Impasug-ong,Bukidnon kagahapon sa buntag.
Giila ang mga mitahan nga sila alyas Jefry, 22-anyos nga usa ka team leader sa North Central Mindanao Command ug alyas Maymay 27-anyos, medical ug kanhi supply officer sa maong grupo.
Miingon si 8th IB commander Lt. Col Ronald Illana nga ang mga mitahan ilang ipailom sa Enhanced Comprehesive Local Integration Program o E-CLIP diin makadawat kini sa balay ug ingon man salapi.
Nasayran nga dili kini ang unang higayon nga may mitahan nga mga rebelde sa militar apan ginatus-gatos na sukad gipakusog ang E-CLIP sa gobierno sa nasud.
