CAGAYAN DE ORO CITY – Kasuha’g kriminal sa kapolisan ang pag-umangkon nga kalit namusil sa iyang kaugalingong senior citizen nga iyaan ug laing duha ka kauban sa balay Phase 1, Zone 5 NHA,Brgy Kauswagan ning syudad.
Kini tungod sa bangi sa pamilya tali sa suspek nga si Andrew Jay Ang,38 anyos ug iyaan niini nga si Marilyn Ang hinungdan sa hitabo gabii.
Miingon si Carmen Police Station 4 commander Maj. Mario Mantala Jr nga maoy gigamit sa suspek ang kalibre 45 nga armas sa pagpusil sa iyang iyaan,bana niini ug bisan sa menor de edad nga pag-angkon apan pulos wala maigo.
Nasuta nga ang maong armas nga gigamit sa suspek ang giingong napalit niini sa miagi pang katuigan.
Hinoon,boluntaryong mi-surender sa tropa ni Mantala ang suspek ug kasamtangang detinado sa mini-cell sa Carmen Police Station.
