CAGAYAN DE ORO CITY – Gihulat na lamang sa kapolisan ang paggawas sa resolusyon sa piskalya sa kaso gipasaka nila batok sa magtiayon nga armado ug suspected drug pushers nga unang nasikop sa search operations diha sa Brgy San Isidro,Balingasag,Misamis Oriental.
Kini human nasang-at na ang kasong pagbaligya sailegal nga droga ug paghupot sa armas batok kanila ni Ferdinand ug Nara Roa,pulos hingkod ang panuigon ug nagpuyo sa maong lugar.
Miingon si CIDG-MisOr team agent Lt Noel Oclarit nga mag-agad usab sa piskalya o korte kon matugtan ang magtiayong Roa nga makapiyansa sa ilang kaso nga giatubang.
Nasikop ang duruha sa joint operation sa CIDG-MisOr,Balingsag PNP ug Special Action Force subay sa mando sa korte sa miaging kadlawon.
