CAGAYAN DE ORO CITY-Nasikop ang laing magtiayon nga suspek pagpayuhot sa gidiling droga sa Purok 2,Brgy
San Roque,Ozamiz City.
Kini human gihimo nila ni Ozamiz City Police Office commander C/Insp Jovie Espenido ang buy bust operation resulta pagkasikop ni Carmilo ug Jennifer Caylan pulos hingkod ang panuigon nga nagpuyo sa maong lugar.
Nakompiskar gikan sa mga suspek ang duha ka sachets sa suspected shabu ingon man ang laing drug
paraphernalia.
Maoy modus operandi sa mga suspek ang pagbaligya’g pagkaon sa karenderya aron dili diretso masapon ang giingong pagpayuhot sa gidiling droga.
Kasong pagbaligya’g ilegal nga droga ang atubangon sa mga suspek sa piskalya sa Ozamiz City ning adlawa.
