Mibatig kalisang ang komunidad sa Tanauan, Leyte human sa trahedya nga nga nahitabo sulod sa usa ka tunghaan sa maong lugar.
Subay sa report, gipusil sa kaugalingong bana ang magtutudlo nga si Elizabeth Mandreza, sulod sa lawak saringan sa Tanauan School of Craftsmanship and Home Industries sa Barangay Canramos.
Ang suspek naila nga si Adan Mandreza.
Paspas nga nadakpan ang suspek human sa insidente ug narekober kaniya ang kalibre .38 nga revolver nga maoy gigamit sa pagpamusil.
Naigo ang biktima sa abaga ug dali nga gidala sa ospital sa Tacloban City sa tabang sa iyang mga kaubang magtutudlo ug estudyante.
Hisayran nga gisulayan sa suspek nga maghikog pinaagi sa iyang gidala nga balisong apan napugngan kini sa mga pulis ug dali siyang naaresto.
Giingon sa mga awtoridad nga posibleng selos ang motibo sa krimen.
Sa pagkakaron, nagpadayon ang pag-ayo sa biktima samtang gisusi pa ang insidente sa kapulisan.
