CAGAYAN DE ORO CITY – Patay ang maestro sa Matangad National High School human mabangga-i sa Hyundai van samtang nang-merkado sa lungsod sa Gitagum,Misamis Oriental.
Giila ni Gitagum Police Station commander Capt JP Dalisay Fos ang biktima nga si Coner Puerto,52 anyos,minyo,lumad nga Valencia City,Bukidnon apan temporaryo nagpuyo sa Brgy Matangad,Gitagum.
Miingon si Fos nga maoy nakabangga sa biktima ang driver nga si Abulcair Amindato,57 anyos nga taga-Kasunduan,Commowealth,Quezon City.
Nasuta sa imbestigasyon nga naalanganin pagtabok ang biktima hinungdan nabanggaan sa van sa suspek kagahapong adlawa.
Kasuhan sa reckless imprudence resulting to homicide si Amindato kon walay makab-ot nga kasabutan sa pamilya sa biktima ugmang adlawa.
