Opisyal nang nagretiro si Major General Michele B. Anayron Jr. isip Commanding Officer sa 4th Infantry (Diamond) Division, Philippine Army, atol sa Change of Command ug Retirement Ceremony nga gihimo sa 4ID Grandstand sa Camp Evangelista, Barangay Patag, Cagayan de Oro City.
Mipuli kaniya isip Acting Division Commander si Brigadier General Seigfred Tubalado, nga kaniadto nagserbisyo isip commander sa 403rd Infantry Brigade.
Ang maong seremonya gipangunahan ni Lieutenant General Antonio Nafarrete, Commanding General sa Philippine Army, isip Presiding Officer.
Sa laing bahin, pasalig usab si Brigadier General Tubalado nga ipadayun sa iyang termino ang mga programa ug kampanya sa dibisyon, ilabi na ang nasugdan ni Anayron nga tumong nga mahimong insurgency‑free ang Northern Mindanao ug uban pang hulga sa seguridad sa rehiyon.
Dugang pa niya, bukas ang bag‑ong liderato sa 4ID alang sa mga gustong musurender nga miyembro sa walhong grupo.
