Nasumiter na sa kampo ni Vice President Sara Duterte sa mubarog nga mga abogado sa ilusad nga impeachment hearing sa Kamarabaha. Kini ang gibutyag Engineer Dioric Gavino, ang Secretary General sa Mahalin Natin ang Pilipinas (DDS Sara All Confederation). Nag-ingon si Gavino nga nadawat na sa House Committee on Justice sa dokumentong Appearance Ad Cautelam. Kini nagpasabot nga sa kaso ni VP Sara, ang iyang mga abogado nagsumiter sa dokumento aron tugutan ang iyang mga abogado sa komite nga pormal nga moapil sa proseso sa impeachment samtang nagreserba sa katungod nga hagiton ang hurisdiksiyon sa komite ug isyu sa pagbalidar sa reklamo. Hugot ang pagtoo ni Gavino nga magbalik-balik ra gihapon ang mga pangutana sa ilusad nga hearing ilabe na nga lawom kaayo ang kalagot sa Makabayan Bloc kang kanhi Presidente Rodrigo Duterte ug sa iyang anak nga si VP Sara. Tataw nga gusto sa maong bloke nga e-wipeout ang mga Duterte aron makapahimulos silag maayo sa ilang “foreign funded” activites, busa gikuwestiyon usab ni Gavino ang klase sa pagpanday sa balaod sa kamarabaha nga gipadagan sa mga revolutionary fronts organization.
