Gitudlo sa pamunuan sa Masa Sara Duterte Alliance nga si Ben Ranque ang mga komunistang grupo ug ang Makabayan Bloc nga maoy utok sa pagduot nga matapos ug ma-impeach si Vice President Sara Duterte sa dili pa mag-Disyembre.
Nagtuo matud pa si Ranque nga wala gayoy sala ang Bise Presidente ug igo lamang tubagon sa depensa ang mga pasangil sa prosekusyon diha sa impeachment trial aron modala og kamatuoran sa publiko.
Matud sa lider nga gihimo kini sa mga anti-Duterte tungod kay nasayod silang dili nila mapildi ang Bise Presidente sa eleksyon.
Gikan niini, giyagyag usab ni Ranque ang iyang duda nga kon magmalampuson ang pagtumba sa Bise Presidente, ang administrasyon na usab ni President Ferdinand Marcos Jr. ang ilang isunod nga ipatumba.
