“Damage Control”. Kini ang paghulagway ni kanhi Iligan City Mayor Atty. Franklin Quijano sa lihok sa Malakanyang batok sa mga rebelasyon sa social media ni resigned partylist representative Zaldy Co. Miingon si Quijano nga grabe ang pagsaba-saba ug pagdepensa sa mga undersecretaries ni Presidente Bongbong Marcos, pinaagi sa direktang pag-atake sa isyu ni Palace Press Office Atty Claire Castro, ug misegunda ang mga kadagkuan sa Presidential Communications Office (PCO). Gumikan sa panghitabo sa naglabay nga semana, nabalaka si Quijano sa mahimong aksyon sa katawhan. Mas paborabli gihapon ang kanhi mayor nga mismo ang presidente ang mutingog aron panalipdan ang mga pasiatab ni Co ug sa mismong igsoon niini nga si Senador Imee Marcos.
