Ghagit ni ACT Teachers Partylist Representative Antonio Tinio ang Palasyo Malacañang nga mahimong bukas sa tinuod nga kahimtang sa panglawas ni Pangulong Ferdinand Marcos Jr.
Gihimo sa magbabalaod ang pahayag pipila ka semana human nga na-confine ang pangulo tungod sa iyang giatubang nga diverticulitis.
Sa pinterbyu Bombo Radyo, iyang gi-awhag ang Palasyo nga ipasabut sa publiko ang tinuod nga kondisyon sa pangulo tungod kay obligasyon kini sa Malacañang.
Matod pa ni Tinio, katungod sa publiko nga mahibalo kung ang pangulo ba “fit” pa nga magpadayon isip lider sa nasud ug kung adunay kapasidad pa siya sa paghimo ug mga desisyon nga kauban sa iyang trabaho.
Giipamugos usab niini nga kinahanglan physical ug mental health condition sa presidente aron makalihok kini sa iyang responsibilidad sa gobyerno.
Nagtoo si Tinio nga dili sakop sa “right to privacy” ang mental ug physical nga kondisyon sa pangulo.
Kung mahinumduman nga niadtong gabii sa Enero-21, 2026 gipaubos si Presidente Marcos sa medical observation human siya nakasinati ug kasakit sa tiyan.
Niadtong Enero-26, gi-report sa Malacañang nga mibalik na sa normal nga trabaho ang pangulo samtang nagpadayon ang pag-ayo sa iyang kondisyon
