(Update) CAGAYAN DE ORO CITY – Gikompirmar sa Malakanyang pinaagi sa Presidential Communication Office nga adunay warrant of arrest gikan sa International Criminal Court batok kang kanhi Pres Rodrigo Duterte.
Sa gilugwa nga pahayag sa PCO,giingong nakadawat sa ICC warrant ang InterPol Manila aron dakpon si Duterte tungod sa isyu sa war on drugs diin daghang mga tawo ang nakalas.
Gipaniguro usab sa gobierno nga anaa sa maayong kahimtang sa panglawas ang kanhi presidente dihang gikuha kini sa general prosecutor sa ICC sulod sa eroplano nga gika’g Hongkong pag-abot sa terminal 3 sa Ninoy Aquino International Airport ning buntag.
Sa pagkakaron,anaa na sa kustodiya si Duterte sa PNP-CIDG samtang gihulat ang mga sunod nga lakang.
Una niini,namahayag si Duterte nga dili niya sibugan ang mga sumbong batok kaniya sa hawanan sa ICC didto sa Hague,The Netherlands.
