CAGAYAN DE ORO CITY, Philippines – Gidepensa sa Malakanyang ang paghinaway ni Presidente Ferdinand Marcos batok sa siyam ka senatorial aspirants nga naglangkob sa PDP-Laban ni kanhi President Rodrigo Duterte.
Namugos si Usec Atty. Claire Castro, Presidential Communications Office & Palace Press Officer, nga may katungod ang presidente nga mupahungaw sa iyang gibati, ug ang iyang napagawas nga mga impormasyon adunay lig-ong basehan.
Gihimo ni Atty Castro ang pagdepensa human siya ang mi-angkon nga bag-ong script writer ni Marcos.
Sa press briefing sa Malakanyang, gibadlong ni Atty Castro ang pipila ka miyembro sa media ug mga vlogger nga mipakatag sa report batok sa rampant nga kaso sa kidnapping sa nasud.
