CAGAYAN DE ORO CITY, Philippines – Gisumbalika’g kastigo sa Malakanyang si kanhi Presidente Rodrigo Duterte human kini miingon nga padulong na sa pagkadiktador si Presidente Ferdinand Marcos, Jr., sama sa iyang amahan nga si kanhi Presidente Ferdinand Edralin Marcos Sr.
Gitawag ni Executive Secretary Lucas Bersamin si Duterte nga dakung bakon ug tigama sa paktorya sa mga bakak kon “one-man fake news factory,”.
Gihimo ni Bersamin ang pamahayag human gipamugos ni Duterte ang posibilidad nga subli mahuptan sa pamilya sa mga diktador ang tibook Pilipinas ug daku kining hulga sa demokrasya.
Namugos si Bersamin nga si Duterte ang diktador kay gumikan sa iyang walay basehan nga mga kill orders ug gihipos sulod sa mga prisohan ang ilang mga kontra sa politika.
Gibutyag usab sa kanhi chief magistrate sa Korte Suprema nga ubos sa Duterte Administration, lapad nga tawhanong katungod ang nalapas, itande sa kasamtangang administrasyon nga diniyos nga nagsubay sa balaod sa konstitusyon ug nagtahud sa tawhanong katungod.
