CAGAYAN DE ORO CITY – Gibalibaran ni City Mayor Rolando ‘Klarex’ Uy ang hangyo ug tanyag sa Malakanyang nga ipasibog sa kandidatura pagka-kongresista sa unang distrito si Carmen Punong Brgy Kikang Uy.
Kini sa tuyo nga dili maka-kontra ang local members sa lima ka dagkong political parties nga nag-alyansa sa 2025 elections.
Unang milugwa ang impormasyon nga hataga’g nasudnong posiyon si Kikang bugti sa dili pagkontra subli pagpapili ni Cagayan de Oro 1st District Cong. Lordan Suan.
Miingon si Janboy Actub,tigpamaba ni Mayor Klarex nga wala dawata ang maong tanyag.
Kini tungod kay maglisod na’g sibog si Kikang nga dugay nang nag-prepara aron subli engkuwentruhon si Suan.
Gani,gilusad na ang ONE KAGAY-AN,KUYOG ANG KATAWHAN coalition pagmatood nga magka-engkuwentro ang local administration sa syudad batok sa grupo ni Suan o kanhi Phividec administrator Pompee La Vina.
