CAGAYAN DE ORO CITY – Gipakusog pa sa gobierno ang gihimong information campaign alang sa publiko kabahin sa maayong mahatag nga proteksyon sa panglawas kon magbakuna batok sa COVID-19.
Kini human anaa sa 40 porsiento sa populasyon sa nasud ang may kabalaka rason nga mas gipili nga dili magpatupok sa mga bakuna kontra bayrus.
Gihimo ni Presidential Communications Operations Office Sec Martin Andanar ang mensahe dungan sa pagbisita niini dinhi sa syudad kagahapong adlawa.
Molibot pa ang PCCO officials sa ubang lugar sa Mindanao sa susamang katuyuan.
