Isang malaking pabor at tulong sa mga micro-enterprise ang inaasahan ni dating Oro Chamber Economic Development Committee Member Ray Talimio Jr. sa planong pagpapatayo ng bagong Government Complex.
Nilinaw ng opisyal na binubuo ng halos 99% ng lokal na ekonomiya ang mga MSME, kung saan karamihan sa kanila ay naglalaan ng mahabang oras sa pagpila at pagproseso ng mga dokumento sa kasalukuyang tanggapan.
Sa pamamagitan ng mas malaki at mas angkop na pasilidad, mas mapapadali ang mga transaksyon ng mga maliliit na negosyante sa pamamagitan ng mas maayos na Business One-Stop Shop o BOSS.
Kasama ng pananaw na ito, idinagdag ni Talimio na ang pagbibigay ng maayos na lugar para sa mga lokal na negosyante ay magkakaloob ng matibay na suporta sa daloy ng komersyo sa buong lungsod.
