Gipa-aktibo na ni Presidente Ferdinand R. Marcos Jr. ang operasyon Malampaya Phase 4 Project sa Malampaya Onshore Gas Plant sa Barangay Tabangao Ambulong, Batangas City.
Sa gilusad nga ceremonial first gas activation sa gilauman sa presidente nga makatabang sa supply sa kuryente sa nasud ang duha ka bag-ong balon sa natural gas nga Malampaya East-1 ug Camago-3.
Siya miingon nga ang operasyon niini, makadugang sa 222 bilyon ka cubic feet nga natural gas aron mapadayon ang produksiyon sa Malampaya hangtod sa mga umaabot nga tuig.
Gipamugos sa Presidente nga ang paggamit sa lokal o indigenous nga natural gas makatabang sa pagpalig-on sa energy security sa nasod ug sa pagkunhod sa pagsalig sa imported nga fuel.
Gimarkahan usab sa proyekto ang unang offshore drilling campaign sa Pilipinas sulod sa kapin usa ka dekada, nga nagpakita sa pagbangon sa kapasidad sa nasod sa deepwater energy exploration.
Pinaagi sa padayon ug episyente nga operasyon, ang Malampaya Phase 4 mahimong makahatag sa dakong boltahe sa suplay sa enerhiya, ug makapalambo sa Pilipinas.
