Gipahibalo sa mga aid agencies sa Somalia ang seryosong krisis human ma-delay ang pag-abot sa life-saving peanut paste alang sa mga batang malnourished tungod sa epekto sa giyera sa Iran sa global supply chains.
Sa usa ka siyudad sa Somalia, ang 11-buwan nga bata gi-tambalan gamit ang nutrient-rich peanut paste apan nagsugod na sa kakulang sa suplay, ug ang iyang inahan nga si Mimino Adan Armin miingon nga nadala niya ang anak nga “skin and bones” ug nadiskobrehan nga limitado nalang ang suplay niini sukad Marso.
Sumala sa International Rescue Committee nga napugos sila sa pagkansela sa usa ka order sa peanut paste nga makapakaon unta sa kapin sa 1,000-ka bata human kini naipit sa usa ka port sa India.
Tungod sa global shipping delays, naningkamot karon ang mga ahensya sa nasud nga makadugang sa suplay aron malikayan ang mas grabe nga krisis sa nutrisyon sa Somalia. (phillip ariata)
