Nanganti si Department of Public Works and Highways (DPWH) Secretary Manuel Bonoan nga manubag ang angayan manubag sa anomalosong kalambigitan sa mga flood control project sa gobyerno.
Gihimo ni Bonoan ang pahayag taliwala sa panawagan nga ipasuspenso ang tanan nalambigit nga mga district engineers dungan ang istriktong pagpatuman sa pagsuspenso sa “Authority to Travel Abroad”, sa tanan kawani sa ilang ahensya.
Hisayran nga bisan pa sa mga panawagan nga siya moluwat sa pwesto, giingon ni Bonoan nga dili niya biyaan ang responsibilidad ug mopadayon siya sa imbestigasyon aron mapanubag ang mga kontraktor ug opisyal nga nalambigit sa anomalya.
