CAGAYAN DE ORO CITY – Patay ang 46 anyos nga biktima human giluba sa iyang kaugalingong igsoon sa Maigo Lanao del Norte, kaganina sa buntag.
Giila ni Police Lt. Baltazar Deguilmo, hepe sa Maigo Municipal Police Station ang namatay nga biktima nga si Nelda dela Pena Dollier, 46 anyos residente sa maong dapit.
Samtang ang suspek mao ang iyang magulang nga si Nolly Bacud dela Pena, 60 anyos molopyo sa susmang dapit.
Nasaksihan sa ilang 80 anyos nga inahan ang pagpatay sa iyang mga anak.
Nakahiagom sa samad sa liog ang biktima human kini gidunggab ug gigolgol sa suspek bunga sa kalagot.
Hisayran nga kanunay nang mag-away matag pamahaw ang duruha tungod lang sa bugas nga ilang gakan-on.
