Gilauman ni Senator Elect Vicente Tito Sotto III nga pag debatihan sa 20th Congress ang pagpadayon sa impeachment trial batok kang Vice President Sara Duterte.
Gibutyag sa Senador nga magkasumpaki ang gibutyag sa Senate rules ug impeachment rules alayon sa impeachment trial.
Sumala sa Senate rules humana ang business sa pag adjourn sa Congress samtang sumala sab sa impeachment rules nga kinahanglang humanon ang trial kung nasugdan na.
Tungod niini, dili siya makurat kung adunay modangop sa korte suprema aron hatagag katin-awan ang isyu.
Gipamugos niya nga kinahanglang mahimong patas ang mga Senator sa proseso ug kinahanglang tun-an sa mga bag-ong napili ang proseso pagsulod sa bag-ong Kongreso
Report ni Zen Cahatol
