CAGAYAN DE ORO CITY – Gihimuan pa sa dugang imbestigasyon sa kapolisan ang kamatayon sa sa ka mananagat nga igo na lang nakit-an sa daplin sa coastal road sa Brgy Lapasan ning syudad.
Kini aron masuta kung wala ba’y foul play o ang gihambin nga sakit nga patol ang rason sa kamatayon sa biktima nga si Janopar Clemen,hingkod ang edad nga nagpuyo sa San Juan 2 sa maong brgy.
Matud sa kabanay nga gipasidan-an na ang biktima nga likayan ang pagpamukot sa isda apan milakaw gyud kini kaganihang kadlawon.
Nakurat na lang ang mga tawo nga nakalabay sa coastal road kay nakit-an na nga naglutaw ang biktima hinungdang gipadalikyatan sa rescue teams sa iyang nahimutangan.
Apan wala na kini nagginhawa rason nga adunay pagtoo nga mitukar ang sakit niini ug hayan maoy nakapalumos kaniya.
Sa pagkutlo ning balita, gipahiluna na ang patay’ng lawas sa biktima sa mga kabanay niini sa maong brgy.
