CAGAYAN DE ORO CITY, Philippines – Mananagot ka, Apollo Quiboloy. Kini ang pasiuang pasidaan ni Senate Minority Deputy Leader Risa Hontiveros, human masayri ang pagkasikop kang Kingdom of Jesus Christ (KOJC) Church Founder Pastor Apollo Quiboloy.
Sa iyang facebook post, namahayag ang senador nga dili na malangan ang hustisya tungod kay nahuptan na ang pugante nga dugay nang gipangita sa kapulisan.
Miingon si Hontiveros nga sa dili madugang makab-ot sa mga ‘victim-survivors’ ang hustisya ug mipasalamat sa ilang kaisog sa pagbutyag sa kamatuoran.
Gikomendar sa senador ang tanan law enforcement agencies sa walay kinutubang paningkamot ug dedikasyon aron batokan ang taktika ni Quiboloy.
Gipaniguro ni Hontiveros nga magpadayon ang imbestigasyon sa Senado aron matuldukan ang sistematikong pag-abuso sa labing huyang sa katilingban.
Sa katapusan, mibahad ang senador nga inihap nalang ang adlaw sa mga tawong sama ni Quiboloy nga gahinari-hari, ug mga tawong gapang-abuso sa mga kababaihan, kabatan-unan, isig ka tawo ug abusado sa balaod.
