CAGAYAN DE ORO CITY– Patay ang mananggiti dihang mahulog sa gisak-ang punuan sa lubi sa lungsod sa Sugbongcogob, Misamis Oriental.
Giila ni Sugbongcogon Police Station commander Police Capt. Rodolfo Cambi ang biktima nga si Noli Magallano Jr., 48-anyos, minyo ug residente sa Purok 6, Poblacion Sugbongcogon.
Sa pakighinabi sa Bombo Radyo, gibutyag ni Cambi nga na-out balance ang biktima sa itaas nga bahin sa lubi hinungdan nga nahulog ug natugsok sa iyang dala nga sanggot nga maoy hinungdan sa iyang kamatayon.
Mismo ang amahan sa biktima nga si Noli Magallano Sr ang nakasaksi sa pagkahulog sa biktima.
