CAGAYAN DE ORO CITY – Naghukdong na sulod sa selda ang 20 anyos nga mangingisda nga akusado sa tulo ka ihap sa statutory rape sa korte nga nakabase sa Iligan City,Lanao del Norte.
Giila ang dinakpan nga si Sunny Mensidor Patoy,ulitawo,chainsaw operator nga taga-Purok 3,Brgy Kahayag,Bacolod, Lanao del Norte.
Matud ni Police Major Ronald Angelo Rivel,commander sa 1005th MC sa Regional Mobile Force Batallion 10 nga napasayon ang pagdakop sa akusado kay giabagan usab ang mando sa korte sa tropa sa Bacolod MPS, Dumalinao MPS, S2 RMFB 10 ug RIU 10 didto sa Purok 3,Brgy Bibilik,Dumalinao,Zamboanga del Sur.
Gibutyag ni Rivel nga walay gisita nga piyansa si Regional Trial Court Branch 2 Presiding Judge Arassad Macumbal alang sa temporaryong kagawasan sa akusado.
Hinoon,wala na suginli sa mga otoridad kung pilay edad sa babaye nga gipahimudsan sa akusado.(Photos from: Navarro Michael)
