CAGAYAN DE ORO CITY – Nangayo’g pasaylo ang usa ka magulang nga mi-unay dunggab sa iyang manghod diha sa Zone 8, Zayas, Brgy. Carmen ning syudad kagabii.
Naila ang suspek nga si Julieto Lozano, 52 anyos, bulag sa asawa ug taga Kinawe, Bukidnon.
Samtang ang biktima mao si Eulogio Lozano, 51 anyos, ulitawo nga residente sa Brgy. Carmen.
Gibutyag ni Julieto nga iyang gidunggab si Eulogio human siya gisumbag niini tungod lamang sa bikil sa istorya samtang sila nag-inom.
Nakaangkon ang biktima sa samad-dinunggaban sa iyang kilid ug padayong nagpa-alim sa balay tambalanan.
Samtang ang suspek nagtingkagol na sa mini-cell sa Carmen Police Station.
