CAGAYAN DE ORO CITY – Atubangon sa 25 anyos nga igsoon ang kasong homicide kon e-pursige sa kaugalingong pamilya nunot sa pagkadunggab-patay sa magulang-lalaki niini didto sa Purok 6,Sitio Bubulotan,Barangay Casulog,Salay,Misamis Oriental.
Giila sa kapolisan ang biktima nga si Hermohen Rabongge, ulitawo ug ang suspek nga si Joel nga pulos nagpuyo sa lugar.
Saysay sa imbestigasyon, nakainom ang biktima samtang nagka-estorya sila sa suspek nga miresulta sa dugu-ong kremin.
Gidala pagdali sa ospital ang biktima apan wala na maluwas sa mga nag-atiman mga doktor.
