CAGAYAN DE ORO CITY- Patay nang nakit-an ang usa ka residente nga unang nangisda sa Brgy Lonokan,Manolo Fortich,Bukidnon.
Kini human na missing sa pipila ka adlaw ug nakit-an sa usa ka mangingisda diha sa utlanan sa kadagatang bahin sa Agutayan ug Bobuntugan,Jasaan,Misamis Oriental kagahapon sa buntag.
Giila ang biktima nga si Jebe Osero,23 anyos,ulitawo nga nagpuyo sa Bukidnon.
Mismo ang mangingisda nga si Renato Villaruz ang nakakita sa patay’ng lawas ni Osero hinungdan nga gilayong gidangop sa mga opisyal sa brgy sa Jasaan ning lalawigan.
Una nang mihimo’g search and rescue operation ang Philippine Coast Guard ngadto sa biktima apan kutob duha ka adlaw lamang ang pagpangita nila niini ug wala gayod makit-i.
