CAGAYAN DE ORO CITY – Naghiusa ang Philippine Coast Guard 10 ug Misamis Oriental PDRRMO sa pagpangita sa na-missing nga mananagat dihang giigo sa mata sa bagyong Vicky ang dakong bahin sa Mindanao.
Kini human kompirmaha ni PDRRMO head Fernando Dy Jr nga wala gihapon makita si Gary Hacmad nga taga-lungsod sa Lagonglong sukad nanagat samtang nagdaot ang panahon tungod sa bagyo sa miaging semana.
Una nang napaubos signal no.1 ang Northern Mindanao epekto sa bagyo diin mi-sentro ang mata niini sa Davao Region mihatag sa grabeng pagbaha usab sa Caraga area.
